نیویارک۔24 ستمبر (اے پی پی) وزیراعظم محمد شہباز شریف تے ورلڈ بینک گروپ دے صدر اجے بنگا پاکستان دی ترقیاتی ترجیحات کوں اڳوں ودھاوݨ ک??تے کنٹری پارٹنرشپ فریم ورک دے تحت تعاون کوں ٻیا مضبوط بݨاوݨ دے عزم دا اعادہ کیتے۔ بدھ کوں وزیراعظم آفس دے میڈیا ونگ توں جاری بیان موجب اقوام متحدہ دی جنرل اسمبلی دے 80ویں اجلاس دے موقع تے وزیراعظم محمد شہباز شریف تے ورلڈ بینک گروپ دے صدر دی ملاقات تھئی۔ وزیراعظم آپریشنز کوں سوکھا بݨاوݨ تے نجی شعبے اچ وسائل کوں ٻیا متحرک کرݨ تے توجہ مرکوز کریندیں ہوئیں ورلڈ بینک کوں تیز تر تے ودھ موثر ترقیاتی شراکت دار بݨاوݨ تے اجے بنگا دی قیادت دی تعریف کیتی۔ انہاں خاص طور تے کووڈ-19 دی عالمگیر وبا تے 2022ء دے تباہ کن سیلاب اچ پاکستان ک??تے بینک دے دیرینہ تعاون دی تعریف کیتی۔ وزیراعظم عالمی بینک دے صدر کوں حکومت دے جامع اصلاحاتی ایجنڈے بارے ݙسیا جیندے اچ وسائل کوں متحرک کرݨ، توانائی دے شعبے اچ اصلاحات، نجکاری تے موسمیاتی تبدیلیاں توں بچاؤ دے حوالے نال اقدامات شامل ہن۔ وزیراعظم ایں ڳالھ دا اعادہ کیتا جو اصلاحاتی ایجنڈے پاکستان کوں میکرو اکنامک استحکام آلے پاسے ڳامزن کیتے، سرمایہ کاراں دا اعتماد بحال تھئے تے پائیدار تے جامع اقتصادی ترقی کوں فروغ ملیے۔ وزیراعظم ورلڈ بینک دے نویں کنٹری پارٹنرشپ فریم ورک (2026-2035) دی وی تعریف کیتی جیندے تحت عالمی بینک پاکستان ک??تے 40 ارب ڈالر دا تریخی تے بے مثال وعدہ کیتے۔ وزیراعظم ایندے موثر نفاذ کوں یقینی بݨاوݨ ک??تے صوبائی حکومتاں دے نال نزدیکی رابطے دے حوالے نال وفاقی حکومت دے عزم دا اعادہ کیتے۔ صدر ورلڈ بینک پاکستان دے اصلاحاتی اقدامات دی تعریف کیتی اتے پاکستان دے ترقیاتی ایجنڈے ک??تے بینک ولوں تعاون دے عزم دا اعادہ کیتے۔ انہاں اقتصادی اصلاحات دے فروغ تے سی پی ایف دے تحت موسمیاتی تبدیلی دے حوالے نال طویل مدتی تے پائیدار اقدامات ک??تے مسلسل تعاون ودھاوݨ دے حوالے نال بینک دے بھرپور عزم دا اظہار کیتے۔ وزیراعظم محمد شہباز شریف تے ورلڈ بینک گروپ دے صدر اجے بنگا پاکستان دی ترقیاتی ترجیحات اچ پیش رفت ک??تے کنٹری پارٹنرشپ فریم ورک دے تحت تعاون کوں ٻیا مضبوط بݨاوݨ دے عزم دا اعادہ کیتے۔
وزیراعظم شہباز شریف تے ورلڈ بینک گروپ دے صدر اجے بنگا دی ملاقات، کنٹری پارٹنرشپ فریم ورک دے تحت پاکستان دے نال تعاون کوں ٻیا مضبوط بݨاوݨ دے عزم دا اعادہ
نیویارک۔24 ستمبر (اے پی پی) وزیراعظم محمد شہباز شریف تے ورلڈ بینک گروپ دے صدر اجے بنگا پاکستان دی ترقیاتی ترجیحات کوں اڳوں ودھاوݨ...
مضمون کا ماخذ : کمپیوٹر لاٹری
